Policia ka prangosur një të dyshuar për vrasjen e 20 vjecares britanike gjatë një grabitjeje në Greqi, ngjarje që kjo që ka shkaktoi tronditje të thelle e ka pasur jehonë te madhe në mediat botërore pikerisht për brutalitetin e saj. Caroline Crouch u torturua e u mbyt gjatë bastisjes së dhunshme të shtëpisë së saj në Athinë. Grabitësit e pamëshirshëm e lidhën atë dhe të shoqin, pilotin Charalambos Anagnostopoulos e i detyruan të tregonin se ku i mbanin paratë pasi i vunë armën në kohë vajzës 11 muajshe të ciftit, Lydia. Mediat vendase thonë se i dyshuari i arrestuar në kufi me Bullgarinë, është nga Gjeorgjia. Mesohet se ai ka tentuar të kalojë kufirin me një pasaportë të rreme. Thuhet se ky person lidhet me një tjetër vjedhje, në një banesë pranë asaj ku jetonte Caroline. Burime policore pohojnë se analizat e ADN-së tregojnë përfshirjen e individit në fjalë në grabitjen e shtëpisë së një cifti të moshuar në 7 mars, të cilët gjithashtu i kishin lidhur e kërcënuar. Disa raporte mediatike të këtyre ditëve pretenduan se pas vrasjes tronditëse të 20 vjecares qëndronte një bandë shqiptaro-greke, e profilizuar për vrasje dhe e përbërë nga persona që përdorin dhunë te tepruar ndaj shenjëestrave të tyre, rrahje e lidhje me litar.