Pas 27 vitresh në Las Vegas është arrestuar një person si I dyshuar për vrasjen e reperit Tupac Shakur. Sipas CNN, I arrestuari është Duane “Keffe D” Davis, teksa është ende e paqartë se cilat janë akuzat e ngritura ndaj tij, për një ndër ngjarjet më të rënda në historinë e muzikës amerikane. Davis edhe më herët ka pohuar në intervista të ndryshme por dhe në librin e tij se ishte I pranishëm brenda makinës Cadillac që iu bë attentat Tupac. Ndalimi I tij erdhi pas kontrolleve të ushtruara pak kohë më parë në banesën e gruas së tij nga ana e policisë amerikane, që sekeustroi një CD ku I dyshuari jepte të dhëna të detajuara mbi jetën e rrugës dhe vrasjen e reperit. CNN raporton se ai e përshkruan veten si një nga dy dëshmitarët që kanë mbetur gjallë nga anjo vrasje. Lidhur me arrestimin, zyrtarët e Departamentit të Policisë Metro të Las Vegas pritet të mbajnë një konferencë shtypi. Shakur u qëllua për vdekje teksa po largohej nga një ndeshje boksi në Las Vegas Strip. Vdekja e tij e parakohshme kur ishte vetëm 25 vjeç, ka qenë objekt i teorive konspirative dhe një hetimi të gjatë që ka vazhduar për dekada. Tupac konsiderohet si një nga reperët më të mirë dhe më me ndikim të të gjitha kohërave. Pamjet: AFP