Shefi i grupit mercenar “Ëagner”, Yevgeny Prigozhin ishte në listën e pasagjerëve të një avioni që u rrëzua në Rusi, ku u vranë të 10 personat në bord, sipas BBC. Më herët, “Ëagner” tha ne Telegram se avioni u rrëzua nga mbrojtja ajrore ruse në rajonin Tver, në veri të Moskës. Ndërkohë agjensia ruse e lajmeve TASS raporton se themeluesi i grupit mercenar ishte në listën e pasagjerëve, por nuk është e qartë nëse ai hipi në avionin e rrëzuar. E ndërsa Ëagner nxitoi të fajësonte Rusinë për rrëzimin e avionit ku thuhet se ishte edhe Prigozhin mediat raportojnë se në të njëjtën kohë, Presidenti rus Vladimir Putin ka qënë duke ndekur një koncert, që i kushtohet 80-vjetorit të fitores së trupave sovjetike në Betejën e Kurskut. Kujtojmë që shefi i Ëagner 62-vjeçari Prigozhin udhëhoqi një rebelim jetëshkurtër kundër ushtrisë më të lartë të Rusisë në qershor dhe u përshkrua në atë kohë nga Vladimir Putin si një “tradhtar”. Rebelimi përfundoi kur presidenti bjellorus Alexander Lukashenko ndërhyri për të ndërmjetësuar një marrëveshje. Prigozhin nuk u arrestua apo ndalua në atë kohë, por Putin e cilësoi kryengritjen si "thikë pas shpine" dhe u zotua se do t'i ndëshkojë të gjithë "tradhtarët" e përfshirë. Nga ajo kohë, vendndodhja e shefit të Ëagnerit ishte kryesisht e panjohur. Më parë, ai besohej se lëvizte midis Rusisë dhe Bjellorusisë. Kreu i CIA-s, Ëilliam Burns, tha muajin e kaluar se Putini ka gjasa që të hakmerret kundër Prigozhinit. Ai tha se do të habitej nëse Prigozhini do t'i shpëtonte ndëshkimit. Në fillim të kësaj jave një video me sa duket e shfaqi atë në Afrikë duke u zotuar se do ta bënte Rusinë të madhe duke vendosur trupat e tij “Ëagner” në kontinent. Kjo duket të jetë dhe dalja e tij e fundit në publik. Pamjet: AFP