Gazeta greke Ta Nea pretendon se rrethi i të dyshuarve për vrasjen e 20 vjecares britanike Caroline Crouch, është ngushtuar. E përditëshmja flet për tre shqiptarë tek të cilët po fokusohen hetimet e policisë. Drejtuesit e grupit hetimor kanë qenë në kontakt me të paktën 100 persona,e kanë në duar rreth 25 dëshmi nga oficerë policie, fqinj, të afërm dhe miq të ciftit si dhe njerëz të tjerë që mund të dinë çfarë ndodhi mëngjesin e 11 majit, thuhet në shkrim. Përpos kësaj janë kërkuar të dhëna krahasuese nga 10-15 grabitje të ngjashme në Atikë, si dhe lëvizjet e të paktën 20-30 kriminelëve grekë, shqiptarë, gjeorgjianë, disa prej të cilëve janë liruar kohët e fundit, me fokus tek individë të veçantë, e sidomos tre të huaj me origjinë shqiptare që mund të jenë përfshirë në grabitje, të cilët tashmë janë zhdukur. Vjedhja në banesën e viktimës, nga e cila nuk mbeti asnjë gjurmë, e ka lodhur shumë policinë greke. Mjaft pyetje rrethojnë këtë moment duke nisur nga fakti që grabitësit ishin kujdsur shumë të mos kapeshin nga kamerat, por nuk kishin marrë me vete as edhe ngjitës apo litarë për goditjen e tyre; ata iu drejtuan nga ana tjeter me kujdes të jashtëzakonshëm kutisë së Monopolit që përmbante 11.500 euro në një raft me libra e lodra, pa hedhur në tokë asnjë objekt të vetëm sic ndodh zakonisht në vjedhje të tilla.