Gjykata e Selanikut ka dhënë dënimet përfundimtare për vrasjen e 19 vjeçarit grek Alkis Kampanos dhe plagosejn e dy shokëve të tij nga një grup huliganësh të Paokut shkurtin e vitit 2022 në qytetin e Selanikut. 5 muaj pas fillimit t gjyqit të 12 personave, 4 prej të cilëve me origjinë shqiptare, që akuzohen për këtë vrasje të bujshme, e cila ka tronditur gjithë vendin , gjykata ka vendosur dënim me burgim të përjetshëm dhe disa vite burg shtesë për 7 nga 12 të dënuarit. Gjithashtu vendosi dënime me shumë vite burg ( deri në 20 vjet) për pesë të akuzuarit e tjerë për vrasjen e të riut grek . Me të dëgjuar dënimet, miqtë dhe të afërmit e Alkis Kampanos shpërthyen në duartrokitje. 4 të dënuarit me origjinë shqiptare janë Aleksandro Gega, Gerald Kambo, Roxhers Demirazi dhe Afskendos Çarçiu. Në të njëjtën kohë, të pandehurve iu ndalua për 5 vite ndjekja e të gjitha ndeshjeve të PAOK-ut në të gjitha sportet. Apelimet gjithashtu nuk do të kenë fuqi pezulluese. Pamjet: AFP