E gjendur përballë një votimi të detyrueshëm me ligj në Kongres, qeveria amerikane e konsideron të përfunduar luftën me Iranin, e pohuar kjo nga një përfaqësues i saj. Ligji "War Powers Resolution” i vitit 1973 parashikon që një operacion ushtarak të përfundojë brenda 60 ditësh; në të kundërt, Shefit të Shtëpisë i nevojitet miratimi i Kongresit. Afati prej 60 ditësh për luftën e Iranit përfundon sot. Por zyrtari në fjalë pretendon se rrjedha e këtij afati është ndërprerë nga armëpushimi që ka hyrë në fuqi më 7 prill. “Që nga e marta, nuk ka pasur shkëmbim zjarri midis forcave amerikane dhe Iranit,” citohet ai nga mediat amerikane. Edhe ministri i Mbrojtjes, Pete Hegseth, iu referua armëpushimit gjatë një dëgjimi në Senat. Ai theksoi se qeveria mund ta vazhdojë luftën në çdo moment, pasi afati 60-ditor është ndërprerë nga marrëveshja e ndërmjetme. Ndërkohë, tensionet vazhdojnë. Një përfaqësues i lartë i Gardës Revolucionare iraniane kërcënoi SHBA-në me sulme të gjata dhe të dhimbshme ndaj bazave ushtarake amerikane dhe anijeve luftarake në rajon, në rast goditjesh të reja nga SHBA, edhe nëse ato do të jenë të kufizuara. Protesta kundër luftës me Iranin vazhduan gjatë seancavë dëgjimore në Senat, duke reflektuar shqetësimin e publikut për konfliktin dhe pasojat e tij në rajon.