Pezullohen nga detyra dy efektivët e policisë së Vlorës që hetuan rastin e përdhunimit të një 26-vjeçareje në Vlorë më 21 tetor. Vajza e re u gjet në gjendje të rëndë pa ndjenja në Rrugën Transballkanike në Vlorë, pranë një hoteli. Hetimet treguan se vajza ishte detyruar të konsumonte pa dijeninë e saj, lëndë narkotike në një lokal dhe më pas, në gjendje të pavetëdijshme, dyshohet të jetë përdhunuar nga 4 persona Hetimet në policinë e Vlorës ishin në duart e dy policëve N/Komisar Ervis Cipa dhe Ornela Hajrulla, të cilët kanë vonuar kryerjen e veprimeve të plota hetimore që në momentin e parë dhe më rëndë akoma kanë bashkëpunuar me dhunuesit. Në këtë konkluzion arriti një hetim i Agjensisë së Mbikqyrjes Policore dhe Prokurorisë së Jursdiksionit të Përgjithshëm Vlorë e cila i kërkoi po ashtu Gjykatës së Vlorës ndalimin e daljes jashtë vendit për dy efektivët Për rastin u angazhua vetë ministri i Brendshëm Taulant Balla i cili njoftoi shtoi “se rritja e performancës së Policisë së Shtetit lidhet në mënyrë të pandashme me procesin e vetëpastrimit, për të çrrënjosur një herë e përgjithmonë nga trupa e shëndoshë e policisë së shtetit elementët e dëmshëm të inkriminuar apo shkelës së etikës, të cilët njollosin punën e palodhur të shumicës së Policisë së Shtetit që shërbejnë me vendosmëri të palëkundur shtetit të së drejtës dhe në mbrojtje të qytetarëve të këtij vendi”.