Ashtu siç pritej, Këshilli Bashkiak i Vlorës ka zgjedhur në mbledhjen e radhës, Elis Halilin si Kryetar të përkohshëm të Bashkisë së Vlorës. Debate të forta shoqëruan zgjedhjen e Halilit pasi socialistët propozuan votim të hapur për emrin e tij ndërsa demokratët kërkuan që procesi të zhvillohet i mbyllur. Në fjalën e opozitarëve Atird Hoxha dhe Gjergj Nika, kryefjalë ishte shkelja e ligjit. Debatin e ka ndezur propozimi i kreut të grupit të këshilltarëve socialistë, Ervis Moçka që emri i Halilitt ë votoj me një proces të hapur. I menjëhershëm ka qenë reagimi i opozitës. Sipas Hoxhës socialistët po errësojnë procesin, ndërsa i është referuar rregullores së KB, nenit 17 që dikton në këtë rast një votim të fshehtë. Edhe për këshilltarët e tjerë të opozitës,Gjergj Nika dhe Klodian Xhyheri ,procesi që propozojnë socialistët është i paligjshëm dhe në shkelje të kushtetutës. Mes thirrjeve të opozitës për një proces të paligjshëm, kreu i këshillit bashkiak Elpiniqi Mërkuri hodhi për votim propozimin,ndërsa opozita u largua nga salla.Kështu me 28 votat e socialistëve në sallë, Halili u zgjodh kryebashkiak që do të kryejë të gjitha funksionet deri në zgjedhje të reja vendore Të pranishme në mbledhje edhe dy nënkryetarët e bashkisë, Irena Toshkallari dhe Klea Lalo .Elis Halili u emërua vetëm pak ditë më parë si nënkryetar, disa minuta para dorëheqjes së z.Dredha, i cili ishte përgjegjës për projektet dhe infrastrukturën momentalisht në qytet.