Virologia kineze Li-Meng Yan, një ndër të parat që e vuri në dyshim origjinën e koronavirusit, u shpreh në një intervistë për Newsmax “është një armë e pakufizuar biologjike”. Një pretendim të tillë ajo e ka ngritur edhe në raportin e fundit që ka hartuar, ku dilte në përfundimin se Sars Cov 2 nuk ka origjinë të natyrshme. Doktoreshë Yan ka publikuar gjithsej tre raporte mbi këtë temë, dy vitin e kaluar, një këtë vit. Patogjeni sipas saj, është produkt i programit të Partisë Komunistë Kineze të bioarmëvë, e sipas saj ky rrjet nuk përfshin vetëm shkencëtarë kineze, por edhe disa specialistë dhe organizata të huaja. Në raportin e sivjetshëm, virologia shkruan se Sars Cov 2 u krijua mbi bazën e kampionëve të viruseve ZC45 dhe ZXC21, të cilat ishin zbuluar fillimisht tek lakuriqët e natës nga shkencëtarët e Ushtrisë clirimtare të popullit. “Modifikimet në laborator, thotë Yan, lejuan që të shtohej aftësia për të infektuar njerëzit. Ata rritën patogjenitetin e virusit, përcjellshmërinë e tij dhe vdekshmërinë”, vazhdon ajo. Një postdoktorante e Universitetit të Hong Kongut, Yan u largua drejt SHBA-së pak kohë më parë nga ku ka mundur të flaës hapur rreth teorive të veta. Ekspertë te tjerë thonë se nëse janë të vërteta, dëshmitë e saj do të ishin një mbështetje e fortë për pretendimin shqetësues se SARS-CoV-2 është një virus i bërë nga njeriu; por nëse ato nuk vërtetohen rrezikojnë sipas tyre të mbeten në nivelin e shpifjes, neglizhencës dhe dyshimeve të mëdha etike, aq me teper qw Yan pretendon se dr Anthony Fauci ishte nw dijeni tw eksperimenteve.