Aktorja e njohur Gwyneth Paltrow është paraqitur sot në gjyq në SHBA, e akuzuar për goditje dhe largim nga vendngjarja në një incident me ski, ku një mjek në pension mbeti me brinjë të thyera dhe lëndime në tru. Aktorja milionere akuzohet për plagosjen e 76 vjeçarit Terry Sanderson, në aksidentin e shtatë vjetëve më parë në parkun e skive në Park City, Utah. Paltrow erdhi sot në gjykatë me një fuoristradë të zezë për të nisur mbrojtjen e saj ligjore. Padia civile akuzon Paltrow për "lëndim në tru, brinjë të thyera dhe disa plagosje të tjera”, ndaj Sanderson Aksidenti ndodhi në rezortin Deer Valley në vitin 2016. Megjithse mënyra sesi Paltrow përdorte skitë përshkruhej si “jashtë kontrolli” gjykatësi Kent Holmberg, ka vendosur që të mos dëgjohen argumentet për “largimin nga vendngjarja”. Avokati i Paltrow ka kundërpaditur tashmë Sanderson duke argumentuar se ishte ai që erdhi me ski ndaj saj dhe duke e goditur në trup. Kundërpadia e Paltrow thotë se miqtë e saj ndaluan për të kontrolluar apo ndihmuar Sanderson pas përplasjes, duke u siguruar që ai nuk ishte plagosur. Pamjet: AFP