Të paktën 22 persona kanë ndërruar jetë, pasi një varkë turistike e mbushur plot me njerëz, u përmbys në shtetin jugor Kerala të Indisë. Numri i viktimave po rritet, ndërkohë që vazhdojnë përpjekjet për shpëtimin e personave që mund të keën qenë në bord. Ngarkesa e tepërt shkaktoi përmbysjen e varkës dykatëshe, tha për Reuters, Abdul Nazar, mbikëqyrësi i policisë së rrethit Malappuram. Varka thuhet se mbante rreth 50 persona, ose dyfishi i kapacitetit të saj, kur u përmbys. Sipas mediave locale shumë pasagjerë u bllokuan nën varkë dhe errësira pengoi përpjekjet e shpëtimit. Ndër të tjera është raportuar se pjesë e listës së viktimave janë gra dhe fëmijë. Deri më tani janë shpëtuar disa persona, katër prej të cilëve ndodhen në spital në gjendje të rëndë shëndetësore. Të mbijetuarit thanë se shumë nga pasagjerët nuk kishin veshur jelek shpëtimi në momentin e incidentit. Numri i saktë i pasagjerëve të zhdukur nuk është i qartë, ndërsa autoritetet po hetojnë shkaqet e aksidentit. Pamjet: AFP