Para ambienteve të SPAK, Sali Berisha, denoncoi këtë të hënë se në Prokurorinë e Posaçme ka mbërritur një letër e nënshkruar nga një person i quajtur Zaho Koka, që sipas kryedemokratit, jep informacione për implikimin e vëllait të kryeministrit, Olsi Rama, në dosjen e Xibrakës. Sink berisha te spak Vetëm pak orë pas denoncimit të Berishës, ka ardhur reagimi i SPAK, ku sqarohet se kreu i këtij institucioni, Altin Dumani, ka kërkuar përmes një shkrese, më 13 janar 2025, që Byroja Kombëtare e Hetimit, të verifikojë nëse ka pranuar ndonjë informacion nga shtetasi Zaho Koka. Sipas Prokurorisë së Posaçme, BKH ka zbuluar pas verifikimeve se nuk ka pasur asnjë denocim shtetasi i përmendur nga Sali Berisha. “Nga verifikimet e kryera në Sekretari, Protokoll, rezulton se në Byronë Kombëtare të Hetimit nuk ka ardhur letër, kallëzim apo denoncim nga shtetasi i pretenduar si Zaho Koka”, thuhet në përgjigjen e BKH drejtuar kreut të SPAK, Altin Dumani.