Detaje të reja zbardhen rreth aksionit të policisë zvicerane për arrestimin e disa këngëtarëve shqiptarë në lokale nate. Mësohet se nga kontrollet e ushtruara në 13 lokale nate në Zyrih, në pranga kanë rënë 47 persona, ndërsa janë sekuestruar pistoleta, municione, një shkop bejsbolli, njofton gazeta zvicerane Le Canton27.ch. Gjatë inspektimit në një festë shqiptare të shtunën e kaluar, policia arrestoi shtatë persona, përfshirë disa yje të muzikës, mes tyre Sinan Vasaliu, Soni Malaj, reperi Don Phenom dhe Eugena Aliu. Policia kantonale e Cyrihut prishi një festë shqiptare në Buchs ZH të shtunën e kaluar. Artistët kishin planifikuar të performonin në një klub, por disa prej tyre nuk kishin leje pune. Lidhur me këto arrestime të këngëtarëve, një këngëtare shqiptare në Gjenevë u shpreh pro arrestimit të kolegëve. Sipas saj, nuk mund të fitohen shuma të majme pa paguar asnjë taksë.