Policia japoneze ka arrestuar tre persona pasi janë shfaqur në video duke prekur pjatat e sushit që më pas janë konsumuar nga klientët. Muajin e kaluar, një video e një burri duke lëpirë një shishe salce soje u bë virale, dhe shkaktoi zemërim në opinion publik. Prej asaj dite dhjetëra video të tilla janë përhapur duke shkaktuar shqetësim në publik. Incidentet e filmuara përfshijnë fëmijë dhe të rinj - duke prishur porositë e të tjerëve, ata preknin me duar pjatat e sushit. Një video e cila u shfaq muajin e kaluar tregoi një person që lëpiu shkopinjtë e sushit, ndërsa një preson tjetër pështy në copat e sushit. Trendi viral ka tmerruar shumë japonezë. "E di që njerëzit nga jashtë mezi presin të hanë sushi këtu, kështu që si japoneze, më vjen turp për veprime të tilla," tha një grua për BBC. Të tjerë thanë se ishin më pak të gatshëm të shkonin në restorante. Japonia është e njohur për standardet e saj të rrepta të pastërtisë dhe etiketën e kuzhinës. Pra, shakatë e "terrorizmit sushi" jo vetëm që kanë tronditur miliona persona në mbarë vendin, por gjithashtu kanë çuar në rënie të çmimeve të aksioneve të kompanive të sushit. Pamjet: AFP