Një incident në aeroportin e Kilit tmerroi të pranishmit, kur një pasagjer nxjerr një çekiç nga valixhia e tij dhe më pas thyen ekranet e sportelit të linjës ajrore. Në videon që u shpërndanë menjëherë në rrjetin social “X”, shihet shtetasi që sikurse raportohet nga mediat vendase, ishte nga Haiti, teksa godet me dhunë monitorët mbi tavolina dhe ato të varura në mur dhe dëgjohet teksa bërtet i nervozuar. Ngjarja ndodhi në aeroportin e Kilit. Sikurse raportohet, udhëtari kishte shkuar për të konfirmuar fluturimin e tij drejt Miami, Florida me linjat American Airlines, por bileta e tij ishte e pavlefshme dhe punonjësi i tha se nuk mund të merrte avionin. Pas incidentit, autori pohoi para autoriteteve se biletën për në Miami e kishte blerë në një platformë interneti por fluturimi i tij nuk ishte rezervuar kurrë.