Pamje dramatike janë publikuar nga ambientet e brendshme të Spitalit të Përgjithshëm Kumamoto në Japoni, duke treguar profesionalizmin dhe guximin e jashtëzakonshëm të bluzave të bardha gjatë tërmetit shkatërrues që goditi jugperëndimin e vendit më 28 korrik.Kamerat e sigurisë brenda sallës së operacionit, kanë fiksuar momentin kur nisin lëkundjet e tërmeti me magnitudë 6.8 ballë. Ndërsa pajisjet mjekësore lëkunden mbi kokat e tyre, mjekët dhe infermierët nuk tremben. Në vend që të largoheshin për të shpëtuar veten, i gjithë ekipi mjekësor reagon në sekondë duke u përkulur mbi trupin e pacientit të shtrirë në tavolinën e operacionit. Përfaqësuesit e Spitalit të Përgjithshëm Kumamoto deklaruan se përkundër panikut dhe lëkundjeve traumatike, ekipi arriti të ruante qetësinë dhe të stabilizonte situatën. Pasi lëkundjet kryesore pushuan, mjekët rinisën punën dhe kirurgjia u përfundua më vonë me sukses të plotë, duke shpëtuar jetën e pacientit. Videoja e këtij ekipi mjekësor po qarkullon me shpejtësi në mbarë botën si një simbol i dëshmisë së humanizmit dhe dedikimit maksimal ndaj misionit të mjekut.