Disa protestues u rrahën barbarisht nga policia bullgare jashtë selisë së qeverisë së vendit në një protestë të 10 korrikut 2020. Por pamjet e rënda të kamerave të sigurisë janë shfaqur vetem së fundmi në parlamentin e vendit, ku njerëzit tërhiqen nga policët prapa kollonave dhe qëllohen pa meshire me grushta, shkelma e shkopinj gome. Protestat anti-korrupsion të verës 2020 bënin thirrje për dorëheqjen e kryeministrit Boyko Borissov, çka u pasua me humbjen e tij ne zgjedhjet e parakohshme. Incidenti i rëndë i korrikut 2020 kishte kaluar pa shumë zhurmë deri muajin e kaluar kur pamjet u treguan në parlamentin e vendit e më pas në mediat e gjera. Prej vitit 2000, gjykata e Strasbourg ka dënuar Bullgarinë në 46 raste të dhunës së ekzagjeruar nga policia. Në BE vetëm Rumania ka më shumë kritika në këtë aspekt me 64 kritika nga Gjykata e Strasburg, vend me një popullsi 3 herë më të madhe se rreth 7 milionët e Bullgarisë.