Ambasadori i Serbisë, Slobodan Vukčević është thirrur dje në Ministrinë për Evropën dhe Punët e Jashtme, ku iu kërkuan sqarime në lidhje me deklaratat që e bëra nga zv. Kryeministri Aleksander Vulin për vizitën dhe takimin e Kryeministrit Edi Rama me diasporën shqiptare në Greqi. Deklarata provokuese e zyrtarit serb është në kundërshtim me frymën e marrëdhënieve të bashkëpunimit dhe nuk i shërben paqes dhe stabilitetit në vendet e Ballkanit, thotë Ministria e Jashtme në një deklaratë për shtyp për rastin. Shqipëria është faktor i rëndësishëm që punon dhe kontribuon për paqen dhe sigurinë në rajonin tonë dhe kjo është në thelb të bashkëpunimit edhe me Serbinë. MEPJ pret reflektim të menjëhershëm, në mënyrë që deklarata të tilla të dëmshme, të përsëritura të mos ndikojnë në marrëdhëniet tona, të cilat duhet të jenë të orientuara drejt fqinjësisë së mirë dhe integrimit evropian, thuhet në tej në deklaratë. Vulin shkaktoi shqetësim për komentin e tij pas vizitës së Ramës në Athinë, kur tha se Shqipërinë e Madhe mund ta ndalë vetëm bota serbe, por pse jo edhe grekët, duke iu shtrirë dorën për bashkëpunim.