Pamjet të tmerrshme kanë qarkulluar në rrjet të momentit kur një pjesëtar i forcave ajrore të Shteteve të Bashkuara i vuri zjarrin veten përpara ambasadës së Izraelit nëWashington DC. I riu vetëm 25 vjec është aktual në spital, në gjendje kritike për jetën. I veshur me rroba ushtarake, ai shihet teksa spërkat veten me benzinë e pastaj i vë zjarrin, ndërsa thotë: “Unë nuk do të jem më bashkëpunëtor në genocid, rroftë Palestina e lirë”! Një zëdhënëse e Forcave Ajrore të SHBA u citua më vonë nga mediat amerikane të ketë thënë se i riu, identiteti i të cilit nuk është publik nga autoritetet, ishte pjëesëtar aktiv i tyre. Nw disa media ndwrkohw, ai wshtw identifikuar si Aaron Bushnell. Departamenti i policisë së Uashingtonit ka nisur një hetim së bashku me Shërbimin Sekret. Një njësi për asgjësimin e bombave u dërgua në vendngjarje në mesin e shqetësimeve për një automjet të dyshimtë që mund të ishte lidhur me personin në fjalë. Më vonë megjithatë, mjeti u shpall i sigurtë pasi në të nuk u gjetën materiale të rrezikshme. Asnjë anëtar i stafit të ambasadës nuk u lëndua nga incidenti. Në një deklaratë të saj, ministria e jashtme izraelite pohoi se i riu nuk ishte një individ i njohur për ta. Kjo nuk është hera e parë që dikush i vë zjarrin vetes para një misioni diplomatik të shtetit hebre në SHBA. Në muajin dhjetor, një protestues bëri të njëjtën gjë përpara konsullatës izraelite në shtetin amerikan të Xhorxhias. Edhe në atë rast, demonstruesi përdori benzinë dhe një flamur palestinez u gjet në vendngjarje me atë rast.