Ka ndërruar jetë një nga dy anëtarët e Gardës Kombëtare në Washington, që u qëlluan të mërkurën pranë Shtëpisë së Bardhë. Sarah Beckstrom ishte vetëm 20 vjec. Anëtari tjetër i Gardës, 24 vjecari Andrew Wolfe po “lufton për jetën”, deklaroi presidenti Donald Trump. “Ajo u sulmua egërsisht, dhe tani ka ndërruar jetë”, ishte mesazhi i tij për 20 vjecaren që shërbente në Gardën Kombëtare të Virxhinias Perëndimore. Beckstrom dhe Wolfe ishin duke patrulluar pranë një stacioni metroje jo shumë larg Shtëpisë së Bardhë, u sulmuan me armë zjarri. Ndihmësshefi i Policisë në Uashington, Jeffrey Carroll, tha se i vetmi i dyshuar për të shtënat, një 29 vjecar afgan, u neutralizua nga anëtarë të tjerë të Gardës Kombëtare, është arrestuar dhe është dërguar në spital për trajtim mjekësor. I dyshuari ka përdorur pistoletë gjatë sulmit dhe përballet me 15 vjet burgim për ngjarjen, tha Pirro. Ajo shtoi se ende nuk është i qartë motivi i sulmit, të cilin vetë Trump e përshkroi si “akt të pastër” terrori. Më shumë se 2,000 trupa kanë ruajtur kryeqytetin e SHBA-së që nga gushti, kur presidenti filloi të vendoste ushtarë nëpër qytete për të luftuar atë që ai e quajti krim "jashtë kontrollit". Beckstrom dhe Wolfe ishin në mesin e gardistëve të dislokuar në muajin gusht, konfirmoi Garda Kombëtare e Virxhinias Perëndimore për BBC News.