Venezuela liroi një sërë figurash të njohura të opozitës, aktivistë dhe gazetarë të burgosur — si shtetas vendas ashtu edhe të huaj — në atë që qeveria e përshkroi si një gjest “vullneti të mirë”, më pak se një javë pasi ish-presidenti Nicolás Maduro u kap nga forcat amerikane dhe përballet me akuzat për trafik droge. Presidenti amerikan Donald Trump, i cili ka ushtruar presion mbi aleatët e Madurros që tani drejtojnë vendin për t’iu nënshtruar vizionit të tij për të ardhmen e këtij shteti të pasur me naftë, pohoi se lirimi i atyre që po përshkruhen sit ë burgosur politikë u bë me kërkesë të Shteteve të Bashkuara. Në një intervistë për Fox Neës të enjten në mbrëmje, Trump vlerësoi qeverinë e presidentes në detyrë Delcy Rodríguez, duke thënë: “deri tani, kanë qenë të shkëlqyer… kanë bërë gjithcka që u kemi kërkuar.” Jorge Rodríguez, vëllai i presidentes në detyrë dhe kreu i Asamblesë Kombëtare të Venezuelës, pohoi se do të lirohen një numër i konsiderueshëm” personash , edhe pse nuk është ende e qartë se kush do të jetë në listë dhe sa persona do të përfshihen saktësisht në të. Qeveria amerikane dhe opozita venezueliane prej kohësh kanë kërkuar lirimin e politikanëve të burgosur, kritikëve dhe anëtarëve të shoqërisë civile. Në mesin e të liruarve së fundi është edhe aktivistja e njohur e të drejtave të njeriut, venezueiano-spanjollja, Rocio San Miguel, konfirmoi familja e saj. Lirimi i të burgosurve politikë në Venezuelë ka qenë një kërkesë e vazhdueshme e SHBA-së, veçanërisht gjatë momenteve të represionit të shtuar rreth zgjedhjeve ose protestave.