Përpjekja më e fundit e zyrtarëve të Venecias përballë turizmit masiv synon të reduktojë grumbullimet me më shumë se 25 persona. Zyrtarët kanë ndaluar gjithashtu përdorimin e altoporlantëcve nga guidat turistike me qëllim të ruhet qetësia për rezidentët dhe të sigurohet që këmbësorët të lëvizin më lirisht. Me këto rregulla të reja, turistët tashmë përballen me gjoba 25-500 euro nëse nuk zbatojnë urdhrin. Zyrtarët thanë se gjithsesi ka disa përjashtime për numrin e njerëzve në festat e turistëve, duke saktësuar se fëmijët deri në dy vjeç nuk llogariten dhe se kufizimet nuk vlejnë për studentë dhe njerëz të tjerë në udhëtime edukative, shkruan The Guardian. Në muajin prill, Venecia u bë qyteti i parë në botë që nisi një sistem pagesash për të gjithë vizitorët, me qëllim dekurajimin e vizitorëve ditorë në periudhat e fluksit turistik. Eksperimenti i çuditshëm zgjati vetëm një muaj dhe është parë me interes nga qendra të tjera turistike, ndërsa aktualisht raportohet se i ka lënë vendin një periudhe konsultimi për të vendosur sesi do të vazhdojë projekti në të ardhmen.