Izraeli duhet të ndalojë menjëherë ofensivën ushtarake në Rafah në jug të Gazës. Kështu urdhëroi sot Presidenti i Gjykatës Ndërkombëtare tq Drejtësisë në Hagë, Nawaf Salam. Vendimi i gjykatës së Hagës u mor sipas tij në kushtet kur gjendja në Gaza është përkeqësuar. Sipas këtij vendimi “shteti i Izraelit duhet të ndalojë menjëherë ofensivën ushtarake dhe çdo veprim tjetër në rajonin e Rafahut, zona që po strehon momentalisht më shumë se 1, 4 milionë palestinezë, jeta e të cilëve po vihet cdo ditë në rrezik Gjykata po ashtu urdhëroi Izraelin që të hapë menjëherë pikën kufitare mes Egjiptit dhe Gazës për të bërë të mundur kalimin e ndihmave humanitare. Ky vendim vjen në vazhdën e kritikave në rritje ndaj Izraelit për mënyrën se si po e bën luftën, vecanërisht në Rafah. Agjencia Franceze e Lajmeve thotë se me shumë gjasa Izraeli nuk do ta zbatojnë vendimin e marrë pas kërkesës së Afrikës së Jugut Gjykata Ndërkombëtare e Drejtësisë, që njihet edhe si Gjykata Botërore, është organi më i lartë ligjor i Kombeve të Bashkuara, për të trajtuar mosmarrëveshjet midis shteteve. Vendimet e saj janë përfundimatare, por në të shkuarën nuk janë zbatuar, pasi nuk kanë fuqi detyruese. Po ashtu Haga bëri thirrje edhe për lirimin e menjëhershëm të pengjeve të marra nga Hamasi në sulmin e tij të 7 tetorit kundër Izraelit.