Top Channel/ Veliaj ftesë demokratëve/Nga Rrogozhina u kërkon të votojnë PS: Lëreni Saliun dhe Lulin

Prezantimin zyrtar te kandidatëve për zgjedhje e pjeshme te 6 marsit, Edi Rama ia ka deleguar drejtuesve politik. Erion Veliaj përgjegjës për qarkun e Tiranës, kërkoi mbështetjen për kandidatin e Partisë Socialiste në Rrogozhinë Edison Memolla. Në këtë Bashki socialistët kanë përballë jo vetëm kandidatin e Lulzim Bashës, por edhe atë të Sali Berishës. “Saliu thotë ma jepni votën që, me të mbaruar votimet, t’i them Lulit dola më mirë se ty, prandaj do ta vazhdoj sherrin për bravën. Luli thotë ma jepni votën – e di që nuk fitoj – por të paktën të kem mjaftueshëm vota, që në datë 7 mars, të vazhdoj sherrin me Saliun. Ata e duan votën për sherr, e duan votën si një lloj leve. I thonë miletit: “ma jep këtë levën, që t’ia fus tjetrit në kokë!”. Kurse për ne vota është instrumenti me të cilin bëjmë punët e mira të Rrogozhinës. E duam votën që të mbarojmë projektet”, tha Veliaj.