Është shtyrë sërish vendimi Erion Veliajn. Gjykata e Posaçme do të vendosë më 12 dhjetor nëse dosja e tij do të kalojë për gjykim, apo jo. Kryebashkiaku Erion Veliaj ka ngritur shqetësimin se nuk është njohur me aktet e dosjes, duke pretenduar se i është vënë në dispozicion vetëm një USB, të cilën ai thotë se nuk ka mundësi ta lexojë, pasi në qeli nuk ka laptop. Pas këtyre pretendimeve reagoi zyrtarisht, SPAK i cili thotë se thotë se “dokumentet i janë dorëzuar avokatëve të Veliajt dhe se çdo komunikim i mëtejshëm mes të pandehurit dhe mbrojtësve bie jashtë përgjegjësive të organit të akuzës”. Prokuroria e Posaçme thotë gjithashtu se “deri tani janë shtyre 8 seanca gjyqësore për shkak të mungesave të pajustifikuara të mbrojtësve të të pandehurve, duke penguar përfundimin e gjykimit paraprak brenda afateve të parashikuara nga Kodi i Procedurës Penale”. Kryebashkiaku i Tiranës ndodhet në paraburgim prej shkurtit dhe përballet me akuzat për pastrim parash, mosdeklarim pasurie, korrupsion pasiv dhe shpërdorim detyre.