Në pamjet e rënda shihen momentet e transportimit nga ushtria të një komandanti të lartë të grupit rebel ELN, nga organizatat e fundit guerrile që veprojnë ende në Kolumbi. Kryemilitanti ka vdekur sot prej plagëve të dy javëve më parë nga bombardimi i ushtrisë, njoftoi ministria e brendshme e vendit. Lideri i njohur ndryshe si "Fabian" ishte shënjestra e bombardimit të 18 shtatorit në rajonin verior të Çoko, tha ministri Diego Molano. "A u gjet dje i fshehur në zonën pyjore. Ishte pranë vendit ku u krye bombardimi," tha Molano, duke shtuar se militanti vdiq në spitalin e qytetit të Cali. Autoritetet thanë se besonin se komandanti kishte qenë në kamp, pasi panë sendet e tij mes shtatë guerrilasve të tjerë të vrarë nga bombardimi. Ministri tha më tej se Fabian drejtonte frontin perëndimor të ELN ndërsa qyteti i Çoko, ishte një nga bastionet e organizatës. "Ishte një kriminel i rrezikshëm, autor i vrasjeve, pengmarrjeve dhe drejtues i trafikut të drogës”, shtoi ministri. ELN është grupi fundit guerril që vepron ende në Kolumbi pas marrëveshjes së paqes në 2016 dhe grupit të majtë rebel FARC. ELN llogaritet se ka rreth 2,300 luftëtarë dhe mbështetje të gjerë në qendrat urbane.