Vdekja e papritur e një foshnje shqiptare vetëm 15 muajshe në Ptolemaidha është bërë një nga temat e para të lajmeve në mediat greke. Foshnja dha frymën e fundit në spitalin Bodosakeio, mbrëmjen e së martës dhe sipas informacioneve të para nga ekspertiza mjeko-ligjore, vuante nga një infeksion i rëndë respirator, që i referohet pneumonisë së rëndë në një fazë të avancuar. Prindërit e fëmijës e kishin sjellë edhe dy herë të tjera në spital foshnjën me temperaturë të lartë, por mjekët pasi e vizituan vendosën që nuk kishte nevojë për shtrim në spital dhe kështu e kthyen në shtëpi. Hera e tretë rezultoi fatale pasi kur mbërritën në spital mjekët nuk mundën ta shpëtonin. Pak orë më vonë djali 15 muajsh ka humbur betejën me vdekjen, ndërsa drejtuesit e spitalit kanë hapur tashmë një hetim për shkaqet e vdekjes së tij. Fëmija rezultoi negativ në testin për koronavirus dhe pozitiv në testin e gripit. Në një prej ediconeve informative gjyshi i foshnjës ka protestuar pse foshnja nuk u mbajt në spital që në fillim, nda infermierja ka këshiëlluar prindërit ti jepnin hapje kundër temperatures së lartë.Sikur të mos mjaftonin të gjitha këto, familjes iu desh të përballej edhe me mungesën e barnave. Varrimi i foshnjës u bë sot në një atmosphere të rendë në Elbasan. Ndërkohë pritet që prindërit të marrin masa ligjore.