Një incident i vogël qe mund te ishte kaluar edhe pa shumë zhurmë, pati jehonë të madhe në mediat greke, të cilat e cilësuan si “të bujshme” episodin e ndodhur në një shkollë në Argallasti në Pelion, ku një nxënës i saj vari flamurin shqiptar në kangjellat e oborrit. Ky akt nuk është pritur mirë nga disa nxënës më të rritur, të cilët e kanë e kanë raportuar menjëherë ngjarjen tek drejtori i shkollës. Nuk mjaftoi me kaq, por për ndodhinë u lajmëruan edhe prindërit e nxënësve, të cilët kanë reaguar menjëherë. Gazeta greke Protothema shkruan se për këtë arsye, do të mblidhet dhe këshilli i shkollës nën kryesimin e kreut të Drejtorisë së Arsimit të Mesëm të Magnezisë, Sokratis Savelidis”, kjo pavarësisht faktit se nxënësi në fjalë, sipas raporteve në shtypin grek, është shprehur i penduar për gjestin e tij. . Ai shpjegoi se nuk dashur të ofendojë simbolin e shtetit grek dhe se gjithçka është bërë në kuadër të një shakaje. Identiteti i të miturit që vendosi flamurin nuk është bërë publik, dhe nuk është ndarë asnjë informacion nëse ai është një shtetas me orgjinë shqiptare.