Kthimi i fenomenit të motit të keq që njihet si El Niño gjatë këtij viti do të bëjë që temperaturat globale të rriten dhe të sjellin valë të nxehti të paprecedenta, paralajmërojnë shkencëtarët. Parashikimet e tyre sugjerojnë se kthimi i El Niño do të përkeqësojë motin ekstrem në mbarë globin duke e bërë gjithnjë e më real skenarin që bota të kalojë 1.5C të ngrohjes. Në Tre vitet e fundit bota ka parë një seri të pazakontë ngjarjesh të njëpasnjëshme nga La Niña. Ky vit tashmë parashikohet të jetë më i nxehtë se viti 2022. Por El Niño ndodh gjatë dimrit të hemisferës veriore dhe efekti i tij i ngrohjes kërkon muaj që të ndihet, që do të thotë se viti 2024 ka shumë më shumë gjasa të vendosë një rekord të ri të temperaturës globale. Gazet serrë të emetuara nga aktivitetet njerëzore kanë rritur temperaturën mesatare globale me rreth 1.2C deri më sot. Kjo tashmë ka çuar në ndikime katastrofike në mbarë botën, nga valët e nxehtësisë në SHBA dhe Evropë, deri te përmbytjet shkatërruese në Pakistan dhe Nigeri, duke dëmtuar miliona njerëz. Pamjet: AFP