Ekspertët e hapësirës thonë se kanë regjistruar disa valë të pazakonta radiofonike që vijnë nga qendra e galatikës sonë, dhe nuk dijnë t`i japin një shpjegim të qartë. CNN thotë se sinjali i energjisë është ndryshe nga çdo fenomen i studiuar më pare, cka lë të mendohet se mund të bëhet fjalë për një objekt yjor të panjohur më parë. Shkëlqimi i tij ndryshon në mënyrë dramatike dhe sinjali, duket sikur ndizet dhe fiket në mënyrë të rastësishme, u shpreh Ziteng Ëang, student doktorature në Shkollën e Fizikës në Universitetin e Sidneit dhe autor kryesor i studimit të publikuar në “The Astrophysical Journal” . Sipas tij, cilësia më e cuditëshme e sinjalit të ri është fakti se ka një polarizim shumë të lartë. Kjo bën që drita e tij të lëkundet vetëm në një drejtim, ndërsa ai drejtim duket se rrotullohet me kalimin e kohës”. Objekti i përshkruar si “ i paqëndrueshëm”, u zbulua fillimisht gjatë një studimi të qiellit duke përdorur radio teleskopin e njohur si ASKAP.