Dhjetëra mijëra palestinezë po i drejtohen pikës së kalimit në Rafah në Egjiptin, e vetmja pikë nga e cila mund të dilet prej rripit të Gazës dhe e vetmja prej së cilës hyjnë ndihmat ushqimore. Shkak për dyndjen masive të palestinezëve drejt kufirit me Egjiptin janë bërë luftimet intensive të ditëve të fudnit në jug të Rripit të Gazës, aty ku ushtria izraelite pretendon se fshihen edhe drejtuesit e Hamasit. Një reporter i BBC në Gaza thotë se situata brenda qytetit është e rëndë. Banorët nuk kanë ushqim, ujë apo energji elektrike. Mijëra njerëz që shpresonin se do të gjenin një strehë në shkollat e OKB-së kanë mbetur para ndërtesave, pasi nuk ka pasur vend për ta. Ushtria izraelite ka deklaruar se ka hyrë në thellësi të qytetit në Khan Younis, ndërkohë që zyrtarët e Hamasit në Gaza thonë se Izraeli ka vrarë më shumë se 17,177 njerëz që nga nisja e luftimeve, duke përfshirë rreth 7,000 fëmijë. Pamjet: AFP