Organizata Botërore e Shëndetësisë (OBSH) dhe Fondi i Kombeve të Bashkuara për Fëmijë (UNICEF) konstatojnë me shqetësim se normat globale të vaksinimit të fëmijëve mbetën nën nivelet para-pandemike vitin e kaluar. Në 2023-shin, 84% e fëmijëve në gjithë botën u vaksinuan plotësisht kundër difterisë, tetanozit dhe kollës së mirë - një vaksinim ky i trefishtë që konsiderohet si tregues kryesor i shkallës së vaksinimit tek të miturit. Shifra paraqet rënie të lehtë, në krahasim me nivelet para pandemisë së koronavirusit, të regjistruara në vitin 2019, thuhet në raport. Raporti tregon se numri i fëmijëve pa një dozë të vaksinimit të trefishtë u rrit në 14.5 milionë, vitin e kaluar, nga 12.8 milionë para fillimit të pandemisë. Në periudhën e pandemisë, program i vaksinimit në shumë vende pësoi vonesa apo edhe ndërprerje, por duket se fenomeni ka vazhduar edhe pas normalizimit të situatës në vazhdën e panikut që shkaktoi Covid 19. Por një prej pasojave të asaj periudhe, duket se ka qenë edhe skepticizmi i shtuar ndaj vaksinave.