Në një lëvizje të kritikuar nga kompanitë farmaceutike, port ë mbështetura nga OKB-ja, Presidenti Joe Biden përkrahu pezullimin e patentës për vaksinat kundër COVID-19, duke reaguar ndaj presionit në rritje nga ligjvënës demokratë dhe më shumë se 100 vende të tjera. Biden foli për një pezullim të përkohshëm – duke përmbysur kështu dukshëm qëndrimin e mëparshëm amerikan. Fjalimi I tij në Shtëpinë e Bardhë u pasua menjëherë nga një deklaratë zyrtare e negocjatores së vet kryesore të tregtisë, Katherine Tai. "Kemi të bëjmë me një krizë globale shëndetësore dhe rrethanat e jashtëzakonshme të pandemisë COVID-19 kërkojnë masa të jashtëzakonshme", tha Tai. Koha është thelbësore, shtoi ajo. India dhe Afrika e Jugut ishin vendet kryesore që mbështetën këtë lëvizje me arsyetimin se ajo do të ndihmojë të shtohet prodhimi I vaksinave. Prej të paktën 6 muajsh, ato dhe gati 60 vende të tjera këmbëngulin që patentat të pezullohën. Prodhuesit e ilacave megjithatë kundërshtojnë, duke thënë se një masë e tillë nuk do ta ketë efektin e dëshiruar. Menjëherë pas deklaratës së Bidenit, aksionet e një sërë kompanive amerikane që prodhojnë vaksina kundër COVID-19 ranë, përfshirë këtu Moderna Inc dhe Pfizer Inc. lëvizja e Bidenit u vlerësua pozitivisht nga kreu i Organizatës Botërore të Shëndetësisë, Tedros Adhanom Ghebreyesus, i cili në një postim në Tëitter e quajti atë “ Një moment monumental në luftën kundër Covid 19”.