Në mesin e 45 viktimave të aksidentit tragjik të ndodhur mëngjesin e sotëm në Bullgari, ishte dhe 27 vjecarja Sumeja Brava. Ajo është vajza e politikanit të njohur shqiptar në Maqedoninë e Veriut, Muhedin Brava, i cili është përfaqësues i Aleancës për Shqiptarët. Vetë Brava ka ndarë një foto në rrjetet sociale nga aksidenti tragjik duke bashkangjitur edhe një mesazh prekës për humbjen e të bijës. “U takofshim në lulet e xhenetit, bija ime Sumeja”, ka shkruar ai. Një hetim për shkakun e aksidentit është duke u zhvilluar aktualisht. Ministri i Brendshëm bullgar, Bojko Rashkov tha se autobusi shkatërroi barrierat mbrojtese të autostradës, duke shtuar se ka gjasa që zjarri të jetë shkaktuar nga kjo goditje. Prokurorja e krimit të organizuar dhe korrupsionit, Vilma Ruskoska tha sakaq agjencia turistike Besa Trans është duke u hetuar dhe se ajo e ka kontaktuar pronarin e saj. Stanislav Vladimirov, kryetari i Komunës së Pernikut që gjendet në afërsi të vendit ku ndodhi aksidenti, u shprehse në këtë autostradë ka shpesh aksidente sepse rruga nuk është e niveluar si duhet dhe trafiku është mjaft i rënduar.