Në një kohë kur kërkohen zgjidhje paqësore me Greqinë, por gjasat e përplasjeve mbeten, ushtria turke ka vazhduar të përmirësojë arsenalin e saj të armëve. Risia më e fundit është një simulues snajperi, tashmë për përdorim e që do t`I dërgohet më së pari një njësie stërvitore në provincën Isparta, në rajonet qendrore të Turqisë. Në prodhimin e tij u angazhuan edhe ekspertët, të cilët kanë dhënë sugjerimet e tyre me qëllimin të garantohej efikasitet maksimal I produktit. Sipas kompanisë Havelsan, e cila dhe e prodhoi simuluesin në fjalë, ai është përshtatur për nevojat e forcave vendase të sigurisë dhe ato të armatosura. Simuluesi e lejon personelin stërvitor me snajper të praktikohen me objektivin, distancën, rregullimin e saktë të dylbisë si dhe teknikat e goditjes në një mjedis trajnimi me pajisje të vërteta, por pa përdorur municion të vërtetë. Falë tij, stërvitja me snajper do të mund të realizohet më lehtësisht dhe me kosto më të ulët. Aktualisht, seancat e qitjes përms këtij simuluesi mund të kryhen në distanca nga 500 deri në 600 metra, në një kohë kur normalisht ato duhet të ishin më të gjata, duke krijuar një zonë veprimi prej 2 deri në 5 kilometrash katrorë.