Autoblinda ushtarake me ushtarë të armatosur shiheshin sot në rrugët e Colombo, disa javë pasi protestat kundër krizës së rëndë ekonomike kulmuan dje me djegien e shtëpive të qeveritarëve. Të paktën nëntë njerëz u vranë mbrëmë teksa turmat e zemeruara dogjën disa banesa të deputetëve të vendit që sollën reagime të ashpra nga policia. Kryeministri i vendit Mahinda Rajapaksa ka dhënë dje dorëheqjen pas protestave masive për menaxhimin e krizës ekonomike nga qeveria. Por kjo nuk ka kënaqur protestuesit të cilët kanë kërkuar gjithashtu largimin e vëllait të tij që është president i vendit. Lëvizja vjen teksa ishulli u vendos për herë të dytë në shtetrrethim në fundjavë pas përplasjeve të dhunshme mes policisë dhe protestuesve anti-qeveritarë në kryeqytetin Colombo. Dhjetra njerëz janë plagosur në dhunën e kryeqytetit, të nisur prej muajit të kaluar për rritjen e çmimeve dhe ndërprerjet e energjisë elektrike. Vendi ishullor përballet me krizën më të rëndë ekonomike që prej pavarësisë së tij nga Britania në vitin 1948. Në demonstratat e nisura në fillim të prillit, protestuesit kanë ngritur kampe jashtë zyrës së presidentit Rajapaksa, duke kërkuar dorëheqjen e tij.