Trupat e ushtrisë shqiptare kanë kryer një stërvitje të përbashkët me instruktorët e Forcave Speciale Amerikane. Komanda e Forcave të Operacioneve Speciale të NATO-s publikoi pamjet nga stërvitja ushtarake. Në një postim në faqen zyrtare, Komanda e Forcave të Operacioneve Speciale të NATO-s njoftoi se përgatitjet mes ushtarëve shqiptare dhe Forcave Speciale të SHBA-së janë zhvilluar për të vepruar në mjedisin kompleks të sigurisë së sotme. “Përpara misionit vjen stërvitja. Përpara presionit vjen përgatitja. Forcat e Operacioneve Speciale Shqiptare stërviten së bashku me instruktorët e Forcave Speciale të SHBA-së, duke u përqendruar në lëvizjen përmes terrenit të vështirë, operacioneve me shenja të ulëta dhe neutralizimin e kërcënimeve në kushte reale”, shkruan Komanda e NATO-s përkrah fotove nga stërvitja, ku shihen ushtarët shqiptarë të armatosur me kallashnikovë, snajperë e municione.