Një kontrast ndjenjash dhe reagimesh kanë shkaktuar dy momente nga paradat ushtarake me rastin e ditës së Pavarësisë së Greqisë dhe dy video të ndryshme që fiksuan këto çaste po bëjnë xhirron e mediave sociale dhe jo vetëm. Në videon e parë që solli reagim të forcave politike të opozitës së majtë një repart i nënoficerëve të marinës ushtarake ka hedhur gjatë parakalimit në prani të dhjetëra qytetarëve në Athinë që ndiqnin paradën, thirrje me sharrje dhe solgane kundër Turqisë. Për ngjarjen në fjalë Ministria e Mbrojtjes ka deklaruar se do të fillojë një hetim të brendshëm. Ndërsa video e dytë përfshin një moment prekës që lidhet edhe me ngjarjet dhe protestat e fundit në Greqi. Klaudia Lata me origjinë shqiptare , ishte një nga 57 viktimat e aksidentit tragjik të Tempit në 2023. Bashkëstudentët e saj, dy vite më vonë, nuk e harruan dhe thirrën me zë të lartë emrin e saj në Selanik gjatë paradës së Shkollës Ushtarake të Korpusit të Oficerëve ku ajo studionte. Ata në mënyrë ritmike përsërisnin vargjet e një kënge që ja kishin kushtuar 21 vjeçares, duke e quajtur një engjëll që la shpirtin e saj bashkë me shumë të tjerë në shinat e trenit.