Dy drerë karakteristikë muflon në ishullin e Qipros ishin bllokuar të lidhur nga brirët me njëri-tjetrin, derisa u shpëtuan nga ushtarët e misionit paqeriuajtës të OKB. Dy kafshët kishin kyçur keq kokat e tyre me njëra-tjetrën pranë zonës ndarëse të OKB në ishullin mesdhetar. Pas operacionit të shpëtimit ku ushtarët u detyruan të sharronin pjesë të brirëve, kafshët u liruan përsëri në botën e egër. Mufloni është një dele e egër me brirë dhe simboli kombëtar i Qipros, ku ka jetuar prej mijëra vitesh dhe është i mbrojtur me ligj. Autoritetet vendase thonë se në vend janë tashmë 3,000 muflon falë përpjekjeve të mbrojtjes, në krahasim me vetëm disa dhjetra në mesin e shekullit të 20-të. Shtimi i popullatës i atribuohet gjithashtu ndalimit të gjuetisë në pyllin Pafos 80 vjet më parë, dhe masave të tjera të mbrojtjes. Zona ndarëse e OKB mes qyteteve etnike greke dhe atyre turke është 180 kilometra e gjatë dhe tetë km e gjerë. Ky korridor është i mbushur me bimësi e botë të egër karakteristike prej mungesës së kontakteve me njeriun. Qipro është ndarë prej vitit 1974 kur trupat turke pushtuan pjesën veriore në kundërpërgjigje të një grushtshteti në Turqi të sponsorizuar nga junta ushtarake greke.