Në mesazhin tradicional të Krishtlindjes të njohur si “Urbi et Orbi” u lut për më pak konflikte në botën e trazuar. “Vëllezër dhe motra, - nënvizoi Ati i Shenjtë - sot në Betlehem mes errësirës së tokës u ndez kjo flakë e pashuar. Sot mbi errësirën e botës, sundon drita e Zotit “që ndriçon çdo njeri”. Le të gëzohemi për këtë hir. Gëzoju ti, që e ke humbur besimin dhe sigurinë, sepse nuk je më vetëm: Krishti lindi për ty! Në mesazhin e dhënë nga lozha qendrore e Bazilikës së Shën Pjetrit, Papa Françesku e ndali vëmendjen tek lufta në Lindjen e Mesme. Si mund të flasim për paqe nëse shitja e armëve dhe konfliktet në botë po rriten” tha Papa Francesku, ndërsa apeloi t’i jepet fund operacioneve ushtarake në Gaza dhe t’u hapen dyert ndihmave për civilët, por gjithashtu bëri thirrje edhe për lirimin e pengjeve izraelitë.