Zyrtarët xhamajkanë njoftuan planet për të ngritur spitale të shumta në terren ndërsa vendi rimëkëmbet nga uragani Melissa, me numrin e të vdekurve që I kalon 60 persona në të gjithë Karaibet, por që fatkeqësisht zyrtarët thonë se mund të rritet. Në Xhamajka si pasojë e uraganit ‘Melissa’ janë konfirmuar 28 viktima, në Haiti, 31 dhe 2 nqë Kubë, në total 61 Melissa e përshkoi Xhamajkën si një uragan i kategorisë, niveli më i lartë, stuhia më e fuqishme e regjistruar ndonjëherë në ishull, me erëra gati 300 kilometra në orë dhe shira të rrëmbyeshëm. Pamjet e publikuara tregojnë ndërtesa të rrafshuara dhe lagje të tëra ende nën ujë. Kryqi i Kuq thotë se 72% e njerëzve në të gjithë Xhamajkën ende nuk kanë energji elektrike dhe rreth 6,000 të tjerë po qëndrojnë nëpër strehimore. Me kaq shumë njerëz që kanë nevojë për ujë të pijshëm të pastër, ushqim dhe ilaçe, ka pasur raportime për njerëz të dëshpëruar që hyjnë në supermarkete dhe farmaci për të mbledhur çfarë të munden.