Në ujërat e ftohta të lumit Patapsco ku u shemb ura në Baltimorë vijojnë kërkimet për njerëzit e zhdukur. Ajo që ndodhi në orët e para të së hënës ngjason më shumë me një film. Ura Francis Scott Key u shemb pasi një anije e mbushur me kontenierë u përplas me një nga këmbët e saj, duke bërë që struktura të rrëzohej e tëra. Pamjet e momentit tronditës u shpërndanë me shpejtësi të rrufeshme në rrjet. Ato tregonin momentin se si në pak caste dhjetëra automjeteve përfunduan në ujërat e lumit Patapsco, kur këmbet e urës u rrëzuan të gjitha. Ëes Moore guvernatori i Maryland në SHBA ka shpallur gjendjen e jashtëzakonshme, ndërsa presidenti Joe Biden e cilësoi shembjen e urës një "aksident të tmerrshëm" dhe u zotua të vërë në funksion portin kryesor të Bregut Lindor sa më shpejt të jetë e mundur Biden shtoi se do të dërgonte "të gjitha burimet federale" të nevojshme për të hetuar incidentin, ndërkohë që nga detajet e fundit të publikuara në media, rezulton që ekuipazhi i anijes para përplasjes kishte njoftuar autoritetet e Merilendit se kishte humbur kontrollin e anijes gjigande të mallrave pasi motori kishte pësuar avari, ndërsa po dilte nga porti. Zyrtarët e qytetit Baltimorë thanë se të paktën 7 automjete kanë rënë në ujë, po ashtu sipas autoriteteve, gjashtë persona, të gjithë punëtorë ndërtimi që riparonin urën Francis Scott Key janë zhdukur. Anija Dali që mbante flamurin e Singaporit konfirmoi se asnjë pjesëtar i ekuipazhit të saj nuk ishte dëmtuar gjatë incidentit të rëndë. E hapur në vitin 1977, ura Francisc Scott Key, e gjatë 2,5 kilometra mban emrin e autorit të tekstit të himnit kombëtar të Shteteve të Bashkuara. Ura kushtoi 141 milionë dollarë për t'u ndërtuar, kurse sot ka vlerë 735 milionë dollarë. Të paktën 30,000 automjete e përdornin cdo ditë këtë urë, ndërsa ekspertët thonë se dëmi i shkaktuar nga shembja e saj do të shkojë në miliona dollarë. Pamjet: AFP