Top Channel/ “Ura në Baltimore u shkërrmoq në pak minuta”. Biden: Incident i tmerrshëm, po hetojmë

Momentet e tmerrit të përjetuara në Baltimore i ngjasojnë më shumë një filmi: Ura Francis Scott Key u shemb pasi një anije e mbushur me kontenierë u përplas me një nga këmbët e saj, duke bërë që struktura të rrëzohej. Pamjet e momentit tronditës u shpërndanë me shpejtësi të rrufeshme në rrjet: ato tregojnë sesi në mënyrë gati të paimagjinueshme, ura shembet brenda vetëm pak castesh, ndërkohë me dhjetëra automjeteve përfunduan në ujrat e lumit Patapsco. Efekte Presidenti Joe Biden e quajti shembjen e urës në Baltimore një "aksident të tmerrshëm" dhe u zotua të vërë në funksion portin kryesor të Bregut Lindor sa më shpejt të jetë e mundur Biden tha se do të dërgonte "të gjitha burimet federale" të nevojshme për të hetuar incidentin. Gjashtë persona, të gjithë punëtorë ndërtimi që riparonin urën Francis Scott Key janë zhdukur, thanë autoritetet. Fill pas ngjarjes, të gjitha korsitë drejt urës u mbyllën në të dyja drejtimet dhe trafiku u devijua. Ura, e hapur në vitin 1977, është pak më shumë se 2.5 kilometra e gjatë dhe kalon përmes portit të Baltimorës. Ngjarja ka ngritur pikëpyetje të mëdha. “Kjo është një urë shumë e rëndësishme, dhe ta shohësh atë të shembet aq shpejt, dhe pjesët e saj të përfundojnë ashtu në ujë, duket e cuditëshme”, tha korespondenti i CNN Gabe Cohen. Rreth 30,000 automjete e përdornin cdo ditë këtë urë. Anija e përfshirë në incident është Dali dhe mban flamurin e Singaporit. Ajo sapo ishte larguar nga Baltimora dhe qe nisur drejt kryeqytetit të Sri Lankës, Colombo kur u përplas me njërën këmbë të urës Pamjet; AFP