Arif Vladi me Marshin e UÇK-së drithëroi mijëra shqiptarë në Sheshin Skënderbe nga ku pas Prishtinës dhe Hagës, Tirana u vesh Kuq e Zi, në mbështetje të çlirimtarëve të Kosovës, të cilët prej 5 vitesh mbahen në një paraburgim të Holandës. Të ardhur nga çdo cep i Shqipërisë, Kosovës, Preshevës dhe kryeqytetet europiane u bënë bashkë duke brohoritur “Unë jam UÇK” dhe “Liria ka Emër”, sepse në Hagë nuk po gjykohen thjesht katër burra por po gjykohet liria e Kosovës. Hysni Gucati, kryetari OVL tha se jemi në Tiranë të ngremë zërin për drejtësi për të mbrojtur gjakun e derdhur për Liri. “Po barazojnë viktimën me xhelatin. Nuk do ta lejmë. Nuk do përdhoset emri komandantëve tanë. Nga Tirana ti themi botës, se nuk ishim kriminelë por bij që dhanë gjithçka për atdhe” Ish presidenti Alfred Moisiu e vuri theksin tek nevoja e të qenurit të bashkuar. “Është koha mos të heshtim për të mbrojtur veten tonë dhe sakrificat. Nuk do lejojmë të nëpërkëmbim gjakun. Të bashkuar për të mbrojtur kombin tonë. Protestës iu bashkua edhe Ali Ahmeti Kreu BDI-s në Maqedoninë e Veritut, i cili tha se gjykata speciale doli nga objekti i saj fillestar për të cilin u nis. “Gjykata speciale doli nga kuzhinat serbe dhe ruse….UÇK ka respektuar konventat e luftës dhe s’ka shkelur asnjë ligj lufte dhe kjo u dëshmua nga dëshmitë amerikane dhe britanike në Hagë. Liria e tyre duhet të vi pa asnjë vonesë.” Ky manifestim madhështor mundi të bëjë bashkë të vetmin deputet të opozitës pjesëmarrës Bujar Leskaj, me kolegët socialist Taulant Balla, Ulsi Manja dhe Erion Braçe.