Autoritetet ruse I dhanë ultimatum nënës së Aleksei Navalnyt që ajo ta varrosë trupin e tij të pajetë në një ceremoni private ose në të kundërt do ta varrosin atë në hapësirën e burgut në Artik ku dhe vdiq. Ish-zëdhënësja e politikanit opozitar rus, Kira Yarmysh tha se ultimatumi u bë nga komiteti hetues i Rusisë por nëna e tij, Lyudmila Navalnaya, sipas saj, refuzoi të negocionte duke theksuar se trupi i të birit duhet t’i dorëzohet brenda dy ditëve pasi shkaku i vdekjes tashmë është përcaktuar. “Navalnaya insiston se autoritetet duhet ta lejojnë që të organizojë varrimin dhe ceremoninë e lamtumirës në përputhje me traditat”, shkroi Yarmysh në rrjetet sociale. Trupi i pajetë i Navalnut mbahet në morgun e qytetit Salehard në Artik. Por autoritetet ruse kanë refuzuar që ta dorëzojnë atë tek familjarët, të cilët duan që varrimi i tij të jetë publik në mënyrë që t’i bashkohen të gjithë mbështetësit. Alexei Navalny vdiq në 16 shkurt. Ai ishte një nga kritikët më të zëshëm të presidentit Putin. Vdekja e tij në burg ashpërsoi më shumë retorikën e politikës botërore, pasi SHBA dhe BE e akuzojnë Presidentin putin si fajtor për këtë ngjarje. Pamejt: AFP