Qeveria gjermane ra dakord të martën për një paketë lehtësimi tatimore me vlerë rreth 7 miliardë euro në vit për bizneset, me qëllim të rigjallërimit të ekonomisë më të madhe të Evropës. Në fund të mbledhjes së kabinetit, kancelari Scholz, ministri i ekonomisë Habeck dhe ministri i Financave Lindner prezantuan rezultatet duke theksuar se ka ardhur koha për më pak burokraci dhe më shumë digjitalizim. Plani, sipas Deutsche Welle, përfshin një shpërblim për investimet në kursimin e energjisë dhe mbrojtjen e klimës. Kurse ndërmarrjet e vogla dhe ato të mesme që dalin me humbje do të përfitojnë nga lehtësira të ndryshme për të përmirësuar likuiditetin. Masa këto që synojnë t’I nxisin ato për të investuar akoma më shumë. Sipas qeverisë federale, plani parashikon një ulje të taksës për sipërmarrjet për katër vjet për një shumë totale prej 32 miliardë euro. Pas pushtimit rus, ekonomia gjermane ra në recension. Shkurtimet e taksave janë pjesë e një programi me dhjetë pika dhe synojnë të rigjallërojnë rritjen ekonomike duke siguruar që kompanitë të marrin vendimin për të investuar në Gjermani, tha kancelari Scholz. Por shumë kritikë mendojnë se këto masa nuk janë efiçente pasi më së shumti do të përfitojnë vetëm bizneset e mëdha dhe jo ato të mesme e të vogla. Pamjet: AFP