Inflacioni në eurozonë u zvogëlua për të tretin muaj radhazi, sipas të dhënave paraprake të publikuara nga Eurostat. Inflacioni në njëzet vendet që përdorin monedhën e përbashkët parashikohet të ketë rënë në 8.5% nga 9.2% qw ishte në dhjetor. Rënia e parë u pa në nëntor, megjithëse ishte ende mbi pragun prej 10%, pasi arriti një rekord të lartë një muaj më parë. Energjia vijon të jetë nxitësi më i madh i inflacionit, ku muajin e kaluar u konstatua një rritje prej 17.2%. Pavarësisht se inflacioni mbetet katër herë mbi objektivin prej 2% të vendosur nga Banka Qendrore Evropiane. Ditën e nesërme organi drejtues pritet të mblidhet për të gjetur një zgjidhje për rritjen e normës së interesit. Banka Qendrore, e udhëhequr nga Christine Lagarde, pritet të miratojë një rritje tjetër në përpjekje për t'i bërë shpenzimet më të shtrenjta. Pavarësisht rënies së përgjithshme, dy vende u përballën me rritje të inflacionit. Normat në Estoni dhe Letoni parashikohet të jenë rritur në 18.8% nga 17.5% dhe 21.6% nga 20.7%. Lituania është shteti tjetër, i cili ka shkallën e tretë më të lartë me 18.4%, nga 20.0% një muaj më parë. Ndërkohë, Spanja (5.8%), Malta (6.7%) dhe Qiproja (6.8%) kanë normat më të ulëta në të gjithë bllokun e eurozonës.