Të paktën nëntë njerëz janë vrarë dhe 20 të tjerë janë plagosur nga sulmet ruse në rajonet juglindore të Ukrainës të premten. Lajmin e konfirmuan zyrtarët rajonalë. Në rajonin e Zaporizhjas u vranë të paktën shtatë njerëz, tha guvernatori i rajonit Ivan Fedorov. Ai theksoi se sulmi shkaktoi zjarr në një garazh për ndreqjen e automjeteve. Katër të tjerë u plagosën, përfshirë dy fëmijë, shtoi ai. Disa vendbanime u përballën me mungesë të energjisë elektrike pas sulmeve, sipas tij. Ndërkohë, një sulm tjetër raketor shkaktoi dëme në një ndërtesë administrative në një rajon në juglindje të vendit, duke vrarë dy njerëz, ndërsa 16 të tjerë, përfshirë një fëmijë, u plagosën. Presidenti i Rusisë, Vladimir Putin, tha të premten se Rusia mund të vendosë raketa të reja hipersonike me rreze të mesme veprimi, në territorin e aleates së vet, Bjellorusisë, në vitin 2025. Deklarata e tij u konsiderua një tjetër provokim ndaj Perëndimit.