Brenda pak orësh, lajmi se një granatë e pashpërthyer është hequr nga gjoksi i një ushtari ukrainas përmes një ndërhyrjeje kirurgjikale tejet delikate, ka bërë shumë shpejt xhiron e botës. Fotografitë e postuara në profiling e Facebook të shërbimit mjekësor të forcave të armatosura të Ukrainës, tregonin grafinë e gjoksit të ushtarit dhe eksplozivin pranë zemrës së tij, si dhe pamjen e kirurgut që mban më pas në dorë pajisjen. Postimi shpjegonte se dy ushtarë xhenierë ishin gjithashtu të pranishëm në sallën e operacionit për të garantuar sigurinë e personelit mjekësor. I lënduari është në gjendje të stabilizuar e duket se po shërohet. Ndërhyrja u krye pa përdorimin e elektrokoagulimit – kur përdoret rrymë elektrike për të ndihmuar në kontrollin e gjakderdhjes gjatë operacionit – nga frika se municioni mund të kishte shpërthyer në cdo moment. Nuk dihet se si përfundoi granata në gjoksin e ushtarit, por ajo është e tipit VOG – rreth 4 cm e gjatë- dhe mund të lëshohet në një distancë deri në 400 metra. Lëvizja e fundit nga Moska ndërkohë ka tërhequr gjithashtu vëmendjen e mediave të huaja. Në krye të trupave në Ukrainë u emërua shefi i Shtabit të Përgjithshëm të Forcave të Armatosura gjeneralin Valery Gerasimov, cka u interpretua menjëherë si shenjë e qartë e pakënaqësisë së Kremlinit me drejtimin e forcave ushtarake në vendin fqinj. Komandanti i mëparshëm, gjenerali Sergei Surovikin, u ul në detyrë, duke u bërë zëvendës i gjeneralit Gerasimov, së bashku me dy gjeneralë të tjerë. Pamjet: AFP