Forcat ukrainase të enjten fituan më shumë territor në lindje të Kievit ndërsa luftime intensive raportohet në veri të kryeqytetit, ku thuhet se ka pasur edhe sulme me raketa. Forcat ruse u zhvendosën në rajon në javën e dytë të marsit ndërsa përparuan nga Sumy në lindje ku Ministria e Mbrojtjes e Ukrainës raportoi viktima civile ndërsa zona u evakuua. Ndërkohë në mariupol , qyettin më të goditur nga lufta në Ukrainë, Zëvendëskryeministri i Ukrainës tha se ishin 40 autobusë që prisnin të nxirrnin civilët, por se forcat ruse nuk i lanë ata të kalonin. Ukraina po ashtu akuzon Moskën se ka rrëmbyer qindra mijëra civilë nga qytetet e shkatërruara të Ukrainës në Rusi, su një mënyrë për ti bërë presion Kievit të dorëzohet. Po të enjten të dy palët, thonë se kanë kryer shkëmbimin e parë të ushtarëve të kapur që nga fillimi i luftës një muaj më parë. Dhjetë ushtarë ukrainas u shkëmbyen me 10 ushtarë rusë, thanë zyrtarët. Në fillim të kësaj jave Rusia dhe Ukraina thanë se kishin shkëmbyer nëntë të burgosur rusë për kryebashkiakun e Melitopol, një qytet në Ukrainën juglindore që është kapur nga ushtria ruse. Pamjet: AFP